【快失傳的手藝】手工「糖蔥」
「糖蔥」，又叫「白糖蔥」，係香港、大陸、台灣、越南同其他東南亞華人聚居地喺四五十年代嘅零食甜點，係由廣東嘅［潮州華人］帶到當地。聽啲糖蔥師父講，依家糖蔥技術正逐漸失傳，識做糖蔥嘅師父越來越少，而學會呢項技藝嘅師傅背後都有段辛苦嘅歷程。
製作過程：
１。將白砂糖加入同等比例嘅水，撈混煮溶；
再加麥芽糖撈混，用攝氏 120 度將糖煮成糖漿。
２。準備好一個放喺凍水上面嘅鑊，將煮好嘅糖漿倒入去；
等啲糖漿慢慢冷卻變成糖膏，然後準備拉糖。
３。用兩支約 1 尺嘅圓棍，將糖膏反覆拉扯10分鐘；
使糖膏入面充滿空氣而形成細管狀，然後等冷卻成形。
４。將做好嘅糖蔥剪成約 3 吋嘅長條，就好似一段段「蔥白」咁。
５。最後摻入花生碎或者花生粉就完成。
補充資料：
片段拉嘅糖蔥，同做「糖蔥餅」嘅「糖蔥磚」喺外形有啲唔同，但基本製作方法都係一樣。糖蔥喺拉成長條之後就剪成一段段；而糖蔥餅嘅糖蔥就要拉成兩層，每層約6-8條糖蔥為一排，再用熱刀切成方塊形狀。
來源: https://www.youtube.com/watch?v=IonWsdj-ato
Search